台中力行教會(一)

(12/28)上午九點半舉行查經班(第三次) 歡迎現場或線上參加  https://youtu.be/sqlPyWJnaas

新年啟應文 https://tachihpc.org.tw/weeks/2017-01-28.pdf   大直教會2017/1/28新春禮拜周報 啟：上帝啊!感謝你照顧阮平平安安經過一年， 應：阮要出聲讚美你的名。 啟：求你擦消阮過去所犯的罪， 應：除去阮無意中所犯的過失。 啟：求你互阮會關心阮國家的前途與同胞的得救。 應：用疼來見證主的名。 啟：互阮在平安、喜樂、順境的時， 應：會記得彼個在苦難逆境中的兄弟姊妹。 啟：願你的公義與和平施落佇阮中間， 應：互阮有正直與和好的心。 啟：求你揀選阮、教示阮， 應：使阮成為教會傳福音的使者。 啟：互大直教會通過團隊服事來榮光上帝利益眾人。 應：互阮成為一間相愛、健康、興旺的教會。 啟：阮欲用感謝、讚美、敬拜來回應你的疼， 應：阮欲大大讚美你的名。 啟：天父上帝啊！感謝你賞賜阮新的一年， 應：阮立志要努力向前走。 啟：阮對 2024 年有新的期待和盼望 應：阮欲成作愛讀聖經、愛祈禱、愛服事、愛奉獻、愛疼人、愛宣教的教會。 啟：若是遇到試煉、困難， 應：求你賞賜我夠額的信心與勇氣 啟：若是遇到憂傷、軟弱的時， 應：求你互我的心堅強起來。 啟：求你的聖神做阮的保惠師， 應：引導阮行佇正直的路。 啟：願主與咱每一個人、每一個家庭同在， 應：從此時直到萬世代無息。 啟：願謳咾，榮光攏歸佇聖父、聖子、聖神的名。 應：阿們！